lunes, 12 de abril de 2010

A lúa de Senegal



Este venres, 16 de Abril celebraremos no lugar habitual a sesión do club de lectura adicada ó grupo de 1º e 2º ESO para comentar a nosa última lectura: A lúa do Senegal, de A. Fernández Paz.
Khoedi, unha nena de dez anos, ten que deixar a súa casa de Casamence, unha rexión ao sur do Senegal, para instalarse en Vigo, a cidade onde o seu pai xa leva varios anos emigrado. Na nova terra, a vida é dura para Khoedi: non coñece a ninguén e todo lle resulta diferente. Está en Europa, mais a súa cabeza e o seu corazón continúan en África. O único lazo entre a nova realidade e o mundo que deixou atrás é a Lúa que brilla no ceo polas noites, que serve, ademais, para marcar o paso do tempo.Lúa do Senegal, a primeira novela que Agustín Fernández Paz publica tras a obtención do Premio Nacional de Literatura Infantil, aborda o tema da emigración, ese drama que supón abandonar o propio país e marchar a outro para poder traballar e vivir con dignidade. E para falar do desarraigamento e do conflito emocional que supón ter que comezar desde cero nun lugar do que nada se coñece, Fernández Paz decidiu facelo a través dunha nena que conta en primeira persoa as dificultades que atopa e a súa loita por entender o que para ela é un novo mundo. Mais Khoedi é unha contadora de historias. Foi a súa avoa a persoa que lle aprendeu esa arte, ese gusto por inventar historias e contalas en voz alta.Lúa do Senegal foi ilustrado por Marina Seoane quen conseguiu adentrarse na alma da protagonista, poñerlle rostro ao resto dos protagonistas e reflectir as paisaxes de dous mundos tan diferentes.

6 comentarios:

Anónimo dijo...

É moi bonito,gustáronme as historias que contaba Khoedi a historia que máis me gustou é a da serpe das cores.

Anónimo dijo...

o libro é moi interesante

e divertido e conta historias moi lindas

Anónimo dijo...

gustaronme as historias que conta khoedi

Anónimo dijo...

Gustoume moito o libro sobre todo as historias que conta a avoa .

Anónimo dijo...

É un libro que engancha.A lúa serve para unir a Khoedi co seu país e co novo lugar onde vai vivir.As historias da avoa e da nena explican o mundo...

Anónimo dijo...

Este libro axúdanos a comprender mellor ás persoas que veñen de outros países a vivir aquí buscando unha vida mellor.
Móstranos as dificultades para adaptarse a un mundo totalmente diferente.
As marabillosas historias que conta Khoeli nos achegan á cultura dos pobos africanos.